Réquiem por un labrador español, o tetulo que a la finitiba remanió en o que en l'empezipiallo se clamó Mosen Millán, ye una nobela que i reculle y sintetiza uno d'os mils d'episodios sanguinosos d'a guerra zebil, en un lugarón d'Aragón. Mosen Millán s'apresta ta ufrir una misa de sufraxio por l'alma d'un choben afulisau. Mientres aspera que bi acudan t'a misa, fa remeranza d'a bida y muerte de Paco d'o Molín. A remeranza de Mosen Millán mos rezenta en un esbrunze la suya partizipazión en as dos. 

Ramón J. Sender, naxió en Alcoleya d'a Zinca en 1902. A guerra zebil li cullió en San Rafael, pero podió pasar-se-ne t'a zona republicana. A muller d'él y o suyo fillo estión afusilaus en a zona nazional. As suyas obras -importadas-, dica a suya tornada, caleba leyer-las d'amagatons. 

Gara d'Edizions ha quiesto fer un omenache a iste autor aragonés unibersal publicando a suya obra más siñalera. 

Debuxo orixinal día portalada: Antonio Saura