El llibro que tiens a las tuyas mans, queriu llector, ye fruito d'una demanda, d'una solicitut: la d'un fillo que, en veyer que se perde la llengua de su pare, li ruega que pose per escrito las suyas vivencias pa deixar-ne testimonio. La vista d'os chovenastros ye la millor ye ixa pedra que fa paret y mos aduya a complletar lo mapa mental d'o ribagorzano, encara per descubrir. Ye ixa carrera de tornada enta las venas d'una terra, d'una civilización ancllada als peus d'a Serra Ferrera, Arcadia protechida d'os mals, circundada per chigants. Una Arcadia aon l'autor recrea la vida, simple y organizada desde fa siegllos, aon i querría tornar, fecha de recordos, a soben vivida, tamé imachinada, y que ara mos porta en forma de llibro, como una nueva Itaca a la que podrem retornar pa revivir ixe universo aon la marca de la Casa yera llei. Joaquín de Miguel mos fa viachar enta la suya Itaca, vivir la suya memoria y mos regala la suya llengua.