O filologo y mayestro Chusé Antón Santamaría (Ayerbe, 1950) dedicó un curso escolar (2010-2011), con o refirme de o Departamento de o Gubierno d’Aragón que publica iste libro, a treballar en a elaborazión d’unos materials didacticos ta l’amostranza de l’aragonés en primaria. Fruito d’ixe treballo estió lo libro Aragonés ta primaria (Aladrada, 2013). D’ixe libro, que contaba con doze unidaz didacticas y en o que, en cadaguna d’ellas, se tresladaba tot o treballo tecnico (chustificazión, metodolochía, ochetibos didacticos, competenzias basicas, contenitos, midas d’atenzión a la diversidat, alazez normativos, etz.) asinas como una completa guía didactica ta o profesor y l’alumno, se entresacan agora una almosta de temas con bellas actividaz ta os escolanos. Allora como agora, os debuixos de Daniel Viñuales fan que tot plegue ta os ninos y as ninas con polideza, siga asabelo d’atractivo y pueda estar útil en l’amostranza y en os chuegos, que tot ye educazión. Ninas, ninos, ya sabez: a chugar!!